STYLE ICON: Grace Kelly

გრეისი პატრიცია კელი (Grace Patricia Kelly), დაიბადა 1929 წლის 12 ნოემბერს, ფილადელფიაში. ამერიკელი ოსკაროსანი მსახიობი. მან ერთხელ თავის დას უთხრა: “მე პრინცესა გავხდები” - "I'm going to be a princess." ასეც მოხდა, 1956 წლის აპრილში დაქორწინდა (საუკუნის ქორწილი) მონაკოს პრინც რაინიერ III-ზე, რომელიც 1955 წელს კანის კინოფესტივალზე გაიცნო. მას მოიხსენიებდნენ, როგორც პრინცესა გრეისი (Princess Grace). მე-20 საუკუნის მისაბაძი მაგალითი. თავისი ელეგანტურობითა და პერსონალური სტილით შესანიშნავად შეძლო ჰოლივუდის გლამურისა და ევროპული სამეფო ღირსების გაერთიანება. იგი დღემდე არაერთი დიზაინერის შთაგონების წყაროა და დღესაც უამრავი ქალბატონი ცდილობს მას მიბაძოს.

ის იცმევდა, როგორც სკოლის გოგონა: კაშმირის ჯემპრი, მარგალიტები და დაბალქუსლიანი ფეხსამელი (1.65 სანტიმეტრის ზევით მსახიობი მაღალ ქალად ითვლებოდა). არ უყვარდა გადატვირთული ტანსაცმელი. მას ერჩივნა, ჩაეცვა უბრალო, ტანზე მომდგარი კაბა, რომელიც ზედმეტ ყურადღებას არ იქცევდა. მისი მკერდი ყოველთვის დახურული იყო და არ მოსწონდა მოკლე ქვედაბოლოები, რომლებიც VOGUE-ში გამოჩნდა. “ამ ყველაფრის შემდეგ, ვის აქვს ლამაზი მუხლები?” - "After all, who has pretty knees?"

ცნობილი გახდა კლასიკური, უბრალო, სუფთა ხაზით თავის ჩაცმულობაში. მისი დღის კაბები ძირითადად კორსაჟისგან და წელიდან გაშვებული ქვედაბოლოებისგან შედგებოდა. ფერი – გრეისს საკუთარი პალიტრა ჰქონდა, ძალიან უყვარდა პასტელური ფერები. ხორბლისა და ბაიას ფერის ყვითელი, ლაჟვარდოვანი, ღია ცისფერი, მარჯნისფერი ვარდისფერი, მზისფერი ოქროსფერი და ოლიმპიური თეთრი. “ვერავინ ატარებდა თეთრს ისე, როგორც გრეისი კელი” – “no one wore white like Grace Kelly.”

“როდესაც ავა გარდნერი ჯდება ტაქსიში, მძღოლი მაშინვე ხვდება, რომ ის ავა გარდნერია. იგივე ხდება ლანა ტარნერისა და ელიზაბეტ ტეილორის შემთხვევაში, მაგრამ არა ჩემს შემთხვევაში. მე არასდროს ვარ გრეისი კელი, მე ყოველთვის ვარ ის ვინც გამოიყურება, როგორც გრეისი კელი” "When Ava Gardner get in a taxi, the driver knows at once she’s Ava Gardner. It’s the same for Lana Turner or Elizabeth Taylor, but not for me. I’m never Grace Kelly, I’m always someone who looks like Grace Kelly.

ტანსაცმელი, ორივე – ჰოლივუდისა და მონაკოს დღეებისთვის, მოთავსებული იყო მონაკოს სასახლის ერთ-ერთ ოთახში. Haute Couture და ხელით შეკერილი საღამოს კაბები, კოსტიუმები და კაბები, ფეხსაცმელები, ქუდები, შარფები, ჩანთები. ქორწინების შემდეგ, ისევე, როგორც სხვა ევროპული სამეფო ოჯახების წარმომადგენლები, გრეისი კელიც თანამშრომლობდა მაღალი მოდის სახლებთან პარიზში, განსაკუთრებით კი Christian Dior- ის მოდის სახლთან, რომელიც მისთვის ოფიციალურ, მაგრამ მოდურ, მიმზიდველ სამოსს ქმნიდა. იგი ყოველთვის ამბობდა, რომ ძალიან ხემომჭირნე იყო თავის ტანსაცმელთან მიმართებით, იშვიათად აგდებდა მათ და უყვარდა ძველი საყვარელი სამოსის ჩაცმა.

“ყოველ ჯერზე, როდესაც ვხედავ გრეისი კელის, მე ყოველთვის მისი სამოსის გავლენის ქვეშ ვექცევი. უბრალოება, ეს არის ისეთი კლასიკური, მაგრამ ეს არის ყოველთვის დრამატული” ჯენი ბრაიანტი “Every time I see Grace Kelly I’m influenced by what she wears. The simplicity, it is so classic, but it’s always dramatic” Janie Bryant

1982 წლის სექტემბერში, 52 წლის ასაკში, სტილის დედოფალი და მონაკოს პრინცესა გარდაიცვალა. უნაკლო სილამაზე, პერსონალური სტილი. გრეისს ყოველთვის უნდოდა, რომ გაეხსენებინათ, როგორც კეთილი და მოსიყვარულე ადამიანი. მას ეს სურვილი შეუსრულდა.

ავტორი: მარიამ არჩვაძე